Покрај тоа што е многу вкусно и еден од нашите омилени зачини, ориганото има и многу различни придобивки за здравјето на нашиот организам.
Како што пишува Medical News Today, има неколку придобивки од редовното консумирање на овој зачин, кој најчесто се става на пица или се користи при подготовка на сос за тестенини.
Најновите студии покажаа дека ориганото содржи големи количини на антиоксиданси кои, меѓу другото, придонесуваат и за заштита на нашиот организам од разни болести.
Од античките времиња, луѓето го користеле ориганото во хербалната медицина за лекување на многу болести, вклучувајќи рани на кожата, болки во мускулите, астма, варење и симптоми на настинка.
Исто така, ориганото има и други придобивки за нашето здравје, кои го вклучуваат следново:
* има антиинфламаторно дејство
* го забрзува метаболизмот и промовира губење на тежината
* го потиснува апетитот
* го намалува ризикот од рак
* го намалува крвниот притисок.
Диететичарите исто така нагласуваат дека соединенијата во ориганото можат да помогнат во управувањето со дијабетес тип 2. Студиите на оваа тема покажаа дека редовното консумирање на оригано може да ја подобри отпорноста на инсулин, да го регулира изразот на гените кои влијаат на метаболизмот на мастите и јаглените хидрати и да влијае на регенерацијата на оштетениот црн дроб или бубрежно ткиво.