Ракот на панкреасот е доста редок, но велат дека е едно од најопасните малигни заболувања. Само 20 отсто од пациентите на кои им е дијагностициран рак на панкреас успеваат да преживеат една година од моментот кога им била дијагностицирана болеста.
Но, постојат некои рани предупредувачки симптоми на кои треба да внимавате и кои би можеле да ги зголемат вашите шанси за преживување. Д-р Дебора Ли, соработник на медицинскиот портал Д-р Фокс, многу добро знае колку таква дијагноза може да биде погубна, имајќи предвид дека и татко и и баба и починале од рак на панкреасот.
А тоа значи и дека таа самата има голем ризик да ја развие болеста. Лекарот објасни како да ги откриете потенцијалните симптоми, бидејќи тоа ви овозможува да ја поставите дијагнозата што е можно порано и да започнете со лекување што е можно поскоро.
Се нарекува тивок убиец затоа што е тешко да се препознае, ракот на панкреасот најчесто се дијагностицира кога, за жал, веќе е доцна за пациентот. Тоа е затоа што на ракот на панкреасот му требаат 10 до 20 години за да се развие и во поголемиот дел од тој период не покажува никакви симптоми.
Помалку од 10 проценти од луѓето на кои им е дијагностициран рак на панкреас преживуваат 5 години. Ако се открие рано, може да се третира како и другите видови тумори, па затоа е важно да се знае на кои сигнали треба да се обрне внимание.
Вообичаено, првиот симптом што го забележува лице со рак на панкреас е жолта кожа и очи, темна урина и бледа столица.
„Жолтицата не се развива преку ноќ, туку обично се развива бавно во период од неколку недели или месеци. Други симптоми кои можат да бидат предизвикани од рак на панкреасот се гадење, повраќање, варење, губење на апетит и необјаснето губење на тежината. Некои луѓе може да страдаат и од болки во стомакот или грбот – вели д-р Ли.
Друга работа што ја опишуваат луѓето со овој тип на рак е промената на навиките на дебелото црево, столицата која има многу непријатен мирис, бледа боја и мрсна. Ракот на панкреасот може да предизвика и дијареа или запек, а може да предизвика и дијабетес.
Помалку познати симптоми на рак на панкреасот
„Некои луѓе со рак на панкреас стануваат дијабетичари бидејќи нивниот панкреас повеќе не произведува инсулин како што треба. Затоа, може да бидат присутни симптоми на дијабетес, како што се жед, често мокрење, слабост, постојан глад, губење на тежината или чести инфекции“, вели др. Ли, додавајќи дека помалку е познато дека ракот на панкреасот може да го зголеми ризикот од длабока венска тромбоза или формирање на згрутчување на крвта.
Првиот знак на болеста може да биде дури и болен и отечен мускул на потколеницата или кашлица, болка во градите и отежнато дишење. Колку подолго овој тип на рак не се препознава, толку е поголема веројатноста да се прошири на други делови од телото, како што се коските.
„Доколку се дијагностицира во напредна фаза, можно е да се проширило на коските. Метастазите во коските се исклучително болни и коските стануваат многу кршливи. Пациентите со метастази во ‘рбетот може да се жалат на силна болка во грбот. „Ракот на коските предизвикува хиперкалцемија (покачени нивоа на калциум), што може да предизвика конфузија, дехидрација, повраќање и запек“, објаснува д-р Ли.