Американските работодавци отпуштија 7,7 милиони луѓе во април, што е знак на длабочината на рецесијата предизвикана од пандемијата, пренесе „РТЦГ“.
Министерството за труд на САД соопшти денеска дека бројот на понудени работни места опаднал од март за 16 проценти, на пет милиони, додека бројот на оние што се вработиле паднал за 31 процент во април, на 3,5 милиони.
По отпуштањето на 11,5 милиони луѓе во март, лошите резултати во април значат дека американската економија ги загубила придобивките што ги граделе скоро десет години за само два месеци и дека закрепнувањето би можело да биде долготрајно.