Нови 58 Starlink сателити полетаа во орбитата со вселенското летало Falcon 9, лансирано од вселенскиот комплекс SLC-40 на Флорида.
Ова е 11-та мисија за распоредување сателити над оние региони на Земјата кои треба да обезбедат Интернет-сигнал.
Новите сателити ќе се приклучат на групата од скоро 600 сателити, кои се веќе во орбитата. Покрај овие, Falcon 9 носи и три сателити на SkySats.
Вселенскиот центар Кејп Канаверал во Флорида со тоа означи уште едно успешно лансирање на мисијата Starlink, пренесува SpaceX.com.
По фазата во која сателитите ќе се одвојат од Falcon 9, леталото ќе се врати на земјата, на локацијата лоцирана во Атлантскиот океан, јавија американските медиуми.
Со оваа 11-та мисија за распоредување сателити во орбитата, првата фаза од целата мисија Starlink е успешно завршена.