Pfizer и нејзиниот германски партнер BioNTech произведоа повеќе од 70 милиони дози вакцина против Ковид-19 до крајот на 2020 година, објави во вторникот извршниот директор на Pizer, Алберт Бурла.
„На крајот на минатата недела во 2020 година, веќе произведовме повеќе од 70 милиони дози, од кои 50 милиони беа пуштени на пазарот, бидејќи треба да се направи контрола на квалитетот пред дистрибуција“, изјави Бурла за „CBS“.
BioNTech објави во понеделникот дека двете компании го зголемија целното производство во 2021 година од 1,3 на две милијарди дози, со оглед на тоа дека отворија нови производствени линии и може да се извлечат повеќе дози на вакцини од едно шише.