Коридорот 8 е еден од клучните коридори и на ЕУ, и токму при посетата еврокомесарот Вархеји еден од клучните фактори кои ги наведе беше транспортната инфраструктура и поврзувањето на регионот. Нашите напори се да ги добиеме и реализираме средствата за вистинските цели, бидејќи тоа значи обрт во економијата, дополнителен развој, поголема безбедност за нашите граѓани, вели Министерот за транспорт и врски Благој Бочварски во гостувањето во емисијата Утрински брифинг на Слободна ТВ.
-Секој проект има свои карактеристики димензионирани согласно потребите на државите и теренот. Јас кога говорам за товарниот транспорт сметам дека треба да се стави акцентот на бизнис секторот, со тоа помогаме на домашните компании и ги заштитуваме нашите македонски патишта. Според мене таа пруга е димензионирана со капацитети и димензии потрбни за нашите превози и транспорт кој што го очекуваме. Се работи за доста тежок терен и гледајќи го проектот колку е обемен и захтевен за пругата од Куманово до Бугарија, треба да се изградат над 90 мостови и 32 тунели, изјави Бочварски.