Компаниите кои веќе ја злоупотребиле финансиската помош од Владата, нема да имаат можност за да аплицираат за нова мерка, изјави Министерот за економија, Крешник Бектеши во вечерашното гостување на ТВ Телма.
„Доколку треба нивните вработени ќе ги згрижи Владата директно, како што најави и Лукаревска денеска со префрлување на средствата директно на вработените во тие компании“, додава Бектеши.
Директорката на УЈП, Сања Лукаревска денеска на прес конференција посочи дека за месец декември 306 компании не исплатиле плати за вработените, иако земале државна помош.