Кинеската влада ќе ја ограничи употребата на електрични возила на „Тесла“ меѓу припадниците на армијата и остатокот од државната служба.
Причината е што тие се загрижени дека ги шпионираат на овој начин, објави „Волстрит журнал“, повикувајќи се на извори информирани со темата.
Според извештајот, Пекинг е загрижен дека автомобилите „Тесла“ можат да бидат извор на протекување на информации, откако владиниот преглед откри дека сензорите на возилата можат да ја сликаат животната средина и потенцијално да ги испратат назад во САД.
Покрај тоа, „Тесла“ е во можност да добие информации за своите возачи, додаваат изворите, објави „Телетрејдер“.
Кинеската влада, наводно, започнала да ги информира секторите да им забранат на вработените да користат автомобили „Тесла“, особено оние кои работат во чувствителни индустрии.