Комитетот за оперативна монетарна политика на Народната банка на последната седница одлучи основната каматна стапка да се задржи на нивото од 1,25 отсто.
Оценка на Комитетот е дека постојното ниво на каматната стапка е соодветно на тековните економски и финансиски услови.
-Намалувањето на основната каматна стапка до нивото од 1,25%, како и досегашното позначително намалување на понудениот износ на благајнички записи придонесоа за натамошно зголемување на ликвидноста на банкарскиот систем и поддршка на кредитните текови во економија. На седницата беше оценето дека ослободената ликвидност изминатата година од вкупно 15 милијарди денари преку основниот инструмент на Народната банка е соодветна, при што се одлучи на аукцијата што ќе се одржи денес да се понудат благајнички записи во непроменет износ од 10 милијарди денари – велат од Народна банка.