Основачот на компаниите „Спејс Икс“ и „Тесла“, Елон Маск изгуби речиси четири милијарди долари во текот на вчерашниот ден, според „Индексот на милијардери Блумберг“ (ББИ).
Според податоците, богатството на Маск е помало за 3,95 милијарди долари и изнесува 175 милијарди долари. Без оглед на тоа, тој сепак е втор најбогат човек на светот.
На прво место е основачот на „Амазон“, Џеф Безос, со богатство од 202 милијарди долари, а во текот на изминатиот ден, неговото богатство се зголеми за 707 милиони долари.