Нефункционалните кредити се сведоа на историски најниско ниво, додека депозитите продолжија да растат. Ова се едни од причините поради коишто „Централ бенкинг“ ја издвои Анита Ангеловска-Бежоска меѓу трите гувернерки од светот, коишто успешно се справуваат со актуелната криза, поврзана со ковид-19. Ова го истакнуваат од „Гласот на Америка“, во интервју со гувернерката на Народната банка.
„Огромно задоволство за мене и за моите колеги, затоа што Народната банка, не е еден човек, таа е институција. Заедно успеваме успешно да се справиме со невидени предизвици со коишто се справуваат речиси сите централни банки во светот. Во таква тешка ситуација, успеавме да ја одржиме стабилност на курсот, ценовната стабилност и сето тоа да гарантира макроекономска стабилност.“ – изјави Ангеловска-Бежоска.
Во интервјуто, гувернерката се осврнува и на монетарната стратегија на Народната банка и стабилноста на девизниот курс на денарот.