Грција ќе му помогне на клучниот туристички сектор со дополнителни над 400 милиони евра, објави министерот за финансии Христос Стаикурас.
„Деталите за пакетот за поддршка ќе бидат објавени кога грчката влада ќе ги заврши плановите“, рече министерот.
Туризмот претставува околу една петтина од грчкиот БДП, а владата официјално го отвори секторот во саботата, во надеж дека ќе ја спаси летната сезона откако приходите нагло паднаа минатата година поради мерките за „заклучување“.
– Планираме насочени субвенции за туризам – изјави Старикурас и додаде дека се проценува дека ќе чини повеќе од 400 милиони евра, пренесеРојтерс.
Грчката влада досега издвои 39 милијарди евра за да ги заштити компаниите и работниците во различни сектори, вклучувајќи го и туризмот, и беше ветено дека мерките за поддршка ќе бидат укинати постепено.