Во античко време, чајот од смоквин лист се пиел за да се помогне при бронхитис и други белодробни заболувања, што не е чудно бидејќи листовите имаат антиинфламаторно дејство.
Полни се со хранливи материи и богат извор на витамини А, Б1 и Б2. Тие исто така содржат минерали како што се фосфор, манган, калиум, калциум, натриум и железо.
Сувите листови смоква се подготвуваат на ист начин како и другите билни чаеви, а во шолјата можете да додадете повеќе или помалку листови.
Оптимално е да се стават две лажички суви, сечкани листови смоква и да се прелие со 250 мл вода. Покријте и оставете да отстои 15 до 20 минути, а можете да пиете до три шолји дневно, цел месец.