Фотографот кој стои зад сега легендарната фотографија на американскиот сенатор Берни Сандерс кој „мрзоволно седи“ во интересна облека на инаугурацијата на Џо Бајден вели дека фотографијата – и покрај големиот одек во светот – „не е толку убава“.
Брендан Смиаловски, кој работи за новинската агенција „Франс прес“, е автор на виралната фотографија на Берни Сандерс во познатите нараквици, со скрстени раце и нозе.
Фотографијата предизвика бранови на шеги, но и реакција на самиот Сандерс, кој после тоа започна да продава дуксери и маици со својот „лик“ за хуманитарни цели.
Во интервју за „The Rolling Stone“, Смиаловски за прв пат зборува за лудилото што го предизвика неговата работа. Тој откри детали за оригиналната фотографија на Сандерс, но и за другите кадри што ги направил тој ден. Тој исто така призна дека повеќе би сакал никогаш да не ја направил сега познатата слика на Берни Сандерс како седи на столче во јакна, со маска и волнени ракавици.
„Самата фотографија не е толку убава. Не е одлична композиција и дури нема да ја ставам во моето портфолио “, рече тој.
Како што изјави, тој направил две фотографии во тој момент – и сметал дека втората е технички подобра од онаа што станала вирална.
„Но, јас ја испратив оваа затоа што моментот, како и неговото држење и поза, е малку подобро“, додаде фотографот.
Што се однесува до мрзоволниот изглед на Берни, Смиаловски го кажува својот поглед на целиот амбиент.
„Ова всушност влегува во вид на фотографија што јас не ја претпочитам и замрзнува одреден момент во времето, што дава еден вид погрешно мислење. Тука е фатен погледот на Сандерс над маската. Не сакам ваква фотографија и не се обидувам да работам на овој начин. Мислам дека е фер да се каже дека е направена подобра фотографија следната секунда. Сепак, мислам дека чувството за сликата дојде во вистинско време. Не сакав да се задржувам премногу на ова бидејќи тој ден имаше многу работа. Не е се во Берни. Не седеше самотој цело време. Може да кажете дека сенаторот Сандерс е политички човек, но исто така и независен човек од секој поглед, и тој е таков што му е пријатно удобно да седи сам, да држи некои документи и да не обрнува многу внимание на околината “.
Смиаловски исто така рече дека не можел ни да замисли дека фотографијата ќе наиде на толку силни реакции и дека тоа ќе биде инспирација за луѓето ширум светот.