Ако сакате да блеснете во 2021 година, во професионална смисла, тогаш треба да ги следите овие 10 рутини што можат да ви донесат пресврт. Тие беа собрани од советникот за управување со кариера, Шанел Мекфарлејн.
На прво место е „виртуелното пиење кафе“ (virtual coffee chats), што е многу важно, особено сега кога собирите и дружењата се ограничени. Тој дух на соработка со колегите треба да се одржи со кафето и повесели разговори.
Упишете курс преку Интернет за да ги надградите своите знаења и вештини. Во 2021 година ќе има масовно преквалификување и тоа се занимања што ќе бидат на цена.
„Освежувајте“ го вашето CV од време на време, односно, не само кога барате нова работа. Погледнете што му недостасува, на што треба да работите, кои вештини треба да ги подобрите и потоа запишете ги како дополнителна предност.
Станете поактивни на социјалните мрежи, затоа што сега скоро сите се таму, дури и вашиот сегашен или иден работодавец. На тој начин, можете да кажете многу за себе, но и за своите потенцијали. Бидете „присутни на Интернет“.
Интензивното следење на вашите сопствени достигнувања ви овозможува на време да видите колку далеку сте достигнале во вашата кариера, како напредувате, што ви недостасува, каде грешите. Водете сметка за сите успеси, но и за грешките што ви беа лекција.
Следете на Интернет, какви вештини сега бараат, и кои описи ги следат. Прилагодете го мотивационото писмо на оваа или вашата презентација во CV. Свртете се повеќе на технологијата.
Претплатете се на проценка за кариера преку Интернет – ова е разговор со експерт кој точно ќе ви каже во која фаза сте, што можете да очекувате ако останете на исто ниво или што треба да промените во однесувањето.
Читајте книги за професионален развој и научете од експерти како да одите напред во вашата кариера. Многу вработени стигнуваат до одредена точка и едноставно „заглавуваат“. Можеби ова четиво ќе ви биде корисно.
Бидете поактивни на деловната мрежа LinkedIn, особено сега кога пандемијата донесе разни негативни последици на пазарот на трудот. Во 2019 година, дури 4 милиони луѓе беа вработени преку оваа мрежа.
Одморете се, ако сакате да нижете успеси. Заморот никому не му донел ништо добро. Мора да постои рамнотежа помеѓу деловниот и приватниот живот, како за лична среќа, така и за успех на работа.