Стандард
ЕКОНОМИЈА КОМПАНИИ

Бесими: Кризната година ја завршивме со 81 процент реализација на капиталните расходи

Министерот за финансии Фатмир Бесими вечерва изјави дека во Министерството  за финасии работат на план за финансирање на забрзан раст.

„Тоа значи дека покрај инвестиците кои ќе бидат од јавни односно од буџетски средства или задолжувања ќе има можност и за мобилизирање на приватниот капитал по примерот на Јункер планот каде што се предвидуваат и нови инструменти на привлекување средства од приватен капитал или приватни инвестициски фондови  со мултипликативен ефект да има поголем импакт врз економијата“, изјави Бесими за емисијата „24 анализа“.

Според него, годината на криза, потенцираше, ја завршивме со 81 процент реализација на капиталните расходи, што беше далеку подобро  од претходните години.
„Целта е преку креирање и користење нови механизми, инструменти, фондови и извори на финансирање да се создаде мултипликативен ефект, односно покрај планираните јавни инвестиции во износ од околу 4 милијарди евра за периодот 2021-2025 година, финансирани од буџетот, ИПА фондовите и меѓународните финансиски институции, да се мобилизираат неколкукратно повеќе средства и инвестиции од приватниот сектор“, додаде Бесими.

Поврзани вести

Ко-основачот на Xiaomi ја напушти компанијата

msp-admin

Поевтинуваат горивата

msp-admin

Мајкрософт започна преговори за купување на ТикТок