Стандард
ЕКОНОМИЈА

Бесими: Со фискалната консолидација се оди кон постепено намалување на буџетскиот дефицит

Министерот за финансии, Фатмир Бесими на денешното гостување на „Топ Тема“ на „Телма“ ТВ посочи дека зголемувањето на буџетскиот дефицит и јавниот долг, во време на ковид-кризата, е реалност за скоро сите светски економии, вклучително и за нас. Тој рече дека економии како Шпанија, Италиja и Грција, минатата година го покачија државниот долг за над 20 процентни поени.

Тој вели дека сега од најголемо значење ќе бидат посткризните политики во насока на стабилизација и ревитализација на економијата, вклучително стабилизација и на јавниот долг.

– Кај јавниот долг најважно е за што ги земаме средствата и дали ќе бидеме во можност во иднина да го сревисираме. Неслучајно во Буџетот за 2021 година отидовме со среднорочно планирање. Среднорочната рамка е со 2025 година и се базира на три компоненти: план за раст – како да го зголемиме и забрзаме растот до 5,9% во 2025 година, втората компонента е буџетската консолидација и третата компонента е планот на јавните инвестиции од 3,2 милијарди евра. Со фискалната консолидација се оди кон постепено намалување на буџетскиот дефицит, а со тоа и на јавниот долг за да до 2025 година се намали на 58,8% од БДП. Од една страна ќе дејствуваме да ги зголемиме приходите преку подобрување на наплата, понатаму да го подобриме квалитетот на расходната страна, односно реализацијата на капиталните расходи и на крај нови извори на финансирање на дефицитот – вели министерот за финансии Фатмир Бесими.

Поврзани вести

Ангеловска: Засега работите се одвиват подобро од проектираното сценарио

НБРМ: Просечната камата во октомврина кредитите 5,05 проценти, на депозитите 1,28

msp-admin

Граѓаните шокирани од новите цени на маслото за јадење, Витаминка вели „берзата диктира“

Влатко Зорба
error: Превземањето на содржина без дозвола од авторот е дело казниво со закон!!!