Стандард
ЕКОНОМИЈА

Д-р Дејан Лаковски на чело на „АстраЗенека“ за БиХ и Хрватска

Среде пандемијата, големата фармацевтска компанија „АстраЗенека“ го смени раководството на своите активности во Хрватска. Нов директор е нашиот Дејан Лаковски, кој доаѓа наместо Дамир Невјестиќ, кој беше шеф на компанијата во Загреб од 2012 година (од каде исто така го водеше бизнисот на компанијата во БиХ), а и пред тоа имаше долгогодишно искуство во фармацевтската индустрија , што тој започна да го стекнува во „Pliva“, објави хрватски „Лидер“.

Неговото место го зазема уште еден искусен менаџер на фармацевтски производи.

Лаковски дипломирал медицина во Скопје, каде заработил и МБА од економија. Својата кариера ја започнал во 2001 година во АЛКАЛОИД, работел и за HOFFMANN-LA ROCHE и SANDOZ, меѓу другите, главно во регионот. Тој доаѓа во Загреб од Софија, каде што го водел бизнисот со германската фармацевтска групација STADA. Покрај Бугарија, тој бил задолжен и за деловно работење во Хрватска и Словенија.

„АстраЗенека“ е присутна во Хрватска од 2000 година, кога е основано претставништвото на британско-шведската компанија, а во август 2004 година стана д.о.о. До денес, компанијата останува регистрирана за истражување на пазарот и истражување на јавното мислење.

Оваа смена се совпаѓа со сегашната криза со испорака на вакцини. Деновиве кулминираат обвинувањата против „АстраЗенека“ – во Европа и Хрватска за наводни смртни случаи по вакцинирањето. Новиот шеф на компанијата за Хрватска сигурно нема да влијае на квалитетот на вакцината, но пред него е голема задача да ја „испегла“ сликата во јавноста во регионот.

Поврзани вести

Заев: Во тек е исплатата на еднократната финансиска помош 6.000 денари

Берта Китинска

Отпис на камати: Нужно зло или обична козметика?

Влатко Зорба

Во новиот мандат СДСМ ќе обезбеди нови 100 000 работни места и рекорден раст на платите