Стандард
ЕКОНОМИЈА

Депозитите на населението изнесуваат 4,5 милијарди евра

Едукативни настани и кампањи за промоција на штедењето организираат денеска банките и институциите по повод Светскиот ден на штедењето.

Во Зоолошката градина во Скопје, под мотото „Штедиме за сите наши желби“, Халк банка приредува настан преку кој ќе им овозможи на основците од „Коле Неделковски” и „Кристијан Тодоровски-Карпош” и на децата од предучилишна возраст од градинките „Распеана младост” и „Орце Николов” да го откријат значењето на штедењето уште од најрана возраст.

Депозитите на населението во септември годинава изнесуваат 273,9 милијарди денари или 4,5 милијарди евра и бележат раст од 8,8 отсто во однос на септември минатата година, покажуваат податоците на Фондот за осигурување депозити, од каде што оценуваат дека граѓаните имаат доверба и ги чуваат парите во банките и покрај намалувањето на каматните стапки.

Повеќе од половина или 51,8 отсто од депозитите се во денари, а останатите 48,2 отсто се девизни. По видување се 51,1 отсто, а орочени депозити се 58,9 отсто. Според податоците на Народната банка, вкупните депозити на годишна основа во септември 2019 година се зголемени за 10,1 отсто, при евидентиран раст на кај двата сектора, со поизразен придонес на секторот домаќинства.

Поврзани вести

Битиќи: Четвртиот сет на мерки, ќе ги рефлектира реалните потреби на компаниите и на граѓаните

Берта Китинска

Скратено работно време: спорно, привремено решение

Stefanija Kuzmanovska

Домашните овластени економски оператори ќе бидат меѓународно признати во ЦЕФТА

Влатко Зорба
error: Превземањето на содржина без дозвола од авторот е дело казниво со закон!!!