СТАНДАРД life
ЕКОНОМИЈА

Како ќе се справи глобалната економија со Светската пандемија?

За да ја зачуваат економијата, Владите и централните банки ветиле дека ќе издвојат 19,5 билиони долари од стартот на пандемијата, пренесува Меѓународниот монетарен фонд.

На дел од земјите им е потребно и повеќе од тоа, за спас од кризата, но не е сигурно дали ќе ја добијат. Во однос и на стимулативните мерки, Владите најавиле 12 билиони долари до септември, додека пак централните банки издвоиле најмалку 7,5 билиони долари, со цел да се намали влијанието на пандемијата врз економиите, вели ММФ во своето соопштение.

Во суштина, генерално економијата е во најлоша фаза и тоа од Големата депресија, и независно од тоа што се намалени дановите, се исплаќаат плати, се одобруваат заеми и се намалуваат каматните стапки. Сепак, економската активност и вработувањето се далеку под потребното ниво.

Со вкцините, се очекува да биде видно подобра состојбата со глобалната економија, сепак тоа не значи комплетно закрепнување од Ковид кризата.

Извршната директорка на ММФ, Кристалина Георгиева, вели дека на земјите им претстои долго искачување што ќе биде тешко и полно со пречки.

Се претпоставува дека во САД се изгубени околу 10 милиони работни места поради пандемијата, додека земјите-членки на ЕУ се обидуваат да одобрат фонд за финансиска помош вреден 800 милијарди евра.

Според економистот Нил Ширинг од „Капитал економикс“, предвременото повлекување на фискалната поддршка претставува најголем ризик за економиите на краток рок.

Поврзани вести

Танасоски: Зелени коридори ќе обезбедат 24 часовна работа на гранични премини

Берта Китинска

„Пошта“ во загуба од 10 милиони евра, директорите се осигурале со полиси

МТСП: Ќе има дополнителна исплата на паричните права за корисниците кои беа клиенти на „Еуростандард Банка“, а не успеале да отворат нова сметка во дадениот рок

Никола Поповски