Компании и пазар

Борба против навала на купувачи: Сакате да правите залихи – платете десеткратно

Ако сакате да правите залихи со средства за дезинфекција, платете повеќекратна цена.

Ова е порака од сопственик на супермаркети во Данска, кој го реши проблемот со навалата на купувачи на средства за дезинфекција на раце: првото шише можете да го купите за 40 круни (5,5 евра), но следното ќе ви го продадеме за 1.000 круни (134 евра).

На известувањето пишува: „Бидејќи резервите на средства за дезинфекцијата се мали, цената за секој купувач кој сака да купи повеќе од еден е 1.000 круни“.

Оваа порака се шири на социјалните мрежи преку личниот Фејсбук канал на данскиот сопственик на супермаркети.

Невообичаената одлука се должи на фактот дека орда на клиенти се упатија кон супермаркетите „Мени“ во Копенхаген, грабајќи лук, брашно, тоалетна хартија, средства за дезинфекција и влажни марамчиња – сценарио што го гледаме во продавниците низ целиот свет.

Сопственикот на ланецот Расмус Вејбек-Зер за „Дејли Телеграф“ изјави дека истото го сторил и со некои други производи, не само толку драстично.

„Одлучив дека разликата ќе биде драстична, така што луѓето ќе разберат. Треба да застанеме и да размислуваме: можеби еден е доволно за нас?“

Расмус додава дека на крајот никој не се осмелил да купи повеќе од едно шише.

„Силната порака лежи во цената, но мислам дека и моралната порака е силна“, истакнува тој.

Поврзани вести

Во Кина завршен 5G пат – подготвен за автономни возила

Влатко Зорба

Рено крати 15.000 работни места

IQOSот излезе на пазарот во САД со дозвола од Управата за храна и лекови

Влатко Зорба

Одговор по реакција на одлука за измена и дополнување на статутот на Жито Лукс АД Скопје

Влатко Зорба

Елон Маск е „новиот Стив Џобс“? Бил Гејтс не мисли така!

Влатко Зорба

Tesla доби над половина милион нарачки за Cybertruck

Влатко Зорба