Компании и пазар

Почина првиот човек на „Самсунг“

Извршниот директор на „Самсунг“, Ли Кун Хи, почина на 78-годишна возраст.

Тој е заслужен за трансформацијата на малиот бизнис основан од неговиот татко во денешен „Самсунг“, глобален економски гигант кој работи во области од производство на електроника, преку осигурување, до транспорт.

Ли беше најбогатиот Јужнокореец, со проценето богатство од околу 21 милијарда долари, според списанието Форбс.

Компанијата соопшти дека Ли починал опкружен со членови на неговото семејство, но не даде информации за причината за смртта.

„Сите ние, вработени во „Самсунг“, со благодарност ќе го паметиме човекот што не водеше“, се вели во соопштението на компанијата.

Ли се приклучил на семејниот бизнис во 1968 година, ја презел компанијата во 1987 година по смртта на неговиот татко и ја трансформирал – од компанија што произведува ефтини, ниско квалитетни производи во светски познат производител на квалитетна електроника.

Првиот човек на „Самсунг“ ќе остане запаметен по реченицата која им ја упати на своите вработени во 1993 година: „Ајде да смениме сè, освен нашите жени и деца“.

„Самсунг“ тогаш уништи 150.000 мобилни телефони за да започне нова, модерна и динамична фаза на експанзија на глобалниот пазар и развој на компанијата.

Поврзани вести

Акциите на „Тесла“ за прв пат скокнаа над 1.000 долари

Влатко Зорба

Ангеловска: Домашната платежна картичка е инјекција од 28 милиони евра која ќе ја забрза економската активност

Влатко Зорба

Нафтата падна на 15 долари

Влатко Зорба

Netflix со најниски приходи во последните четири години

Влатко Зорба

Холандската влада издвои 13 милијарди евра за да им помогне на компаниите

Stefanija Kuzmanovska

„Алкалоид“ со донација за студентските и училишните домови во Скопје во вкупен износ од близу 5 милиони денари

Влатко Зорба