Компании и пазар

Стапката на невработеност во САД падна на 13,3 проценти во мај

Стапката на невработеност во САД падна на 13,3 проценти во мај од 14,7 проценти во април, а создадени се 2,5 милиони работни места, што е изненадувачки позитивен показател среде рецесија што ја парализира економијата погодена од пандемијата од коронавирус, покажуваат официјалните податоци.

Зголемувањето на бројот на работни места во мај укажува на тоа дека компаниите брзо ги повикаа назад работниците кога се отворија американските држави.

Економистите очекуваа дека стапката на невработеност ќе биде уште полоша во мај и ќе се искачи на скоро 20 проценти, но постепеното повторно отворање на економијата всушност придонесе за создавање нови работни места, а не на понатамошно укинување на постојните, според Си-Ен-Ен.

Другите податоци исто така покажуваат дека крахот на пазарот на трудот предизвикана од коронавирусот ја достигна својата најниска точка.

Бројот на лица кои аплицираат за бенефиции за невработеност се намалува за девет недели, а вкупниот број на лица кои добиваат ваква помош останува суштински ист.

Општо земено, загубите на работни места ги зголемија економските разлики што непропорционално ги засегнаа малцинствата и вработените со пониско образование. Иако стапката на невработеност кај белите Американци во мај беше 12,4 проценти, за Латиноамериканците 17,6% и за Афроамериканците 16,8%.

Дури и со овој изненадувачки пораст на вработеноста во мај, може да поминат неколку месеци пред сите оние кои ги загубија своите работни места во април и март да најдат нови работни места.

Некои економисти предвидуваат дека стапката на невработеност би можела да остане двоцифрена дури и по претседателските избори во ноември во Соединетите држави и да премине кон следната година.

Поврзани вести

Кино салите повторно „вртат“ милиони

Влатко Зорба

Голдман Сакс со препорака: Не инвестирајте во биткоин

Најголемиот акционер на „Виз Ер“ ќе продаде акции во вредност од 650 милиони долари

Влатко Зорба

Компаниите помалку дисциплинирани кога отплаќаaт кредит

Влатко Зорба

Ангеловска: МојДДВ МојаНаграда се адаптира на Ковид-19 состојбата

Влатко Зорба

Котација на државни обврзници во вредност од 900 милиони денари

Влатко Зорба