Со ребалансот на буџетот обезбедуваме силна помош за стопанството, но и за граѓаните кои се погодени од кризата.70 милиони евра се наменуваат за поддршка на 83.000 работни места и субвенционирање на вкупно 250.000 плати за месеците октомври, ноември и декември во висина од 14.500 до 21.776 денари, изјави портпаролот на СДСМ, Костадинов Костадинов.
Toj нагласи дека се обезбедени сериозни средства за поддршка на туристичко-угостителскиот сектор, занаетчиите и вршителите на самостојна дејност.
„Со 27,6 милиони евра ја стимулираме приватната потрошувачка преку платежни картички од 6.000 денари за 283.000 наши сограѓани. Дополнителни 243 милиони денари се наменети за справување со здравствените последици од коронавирусот. Овие средства ќе бидат распределени за набавка на лекови, вакцини и тестови за ковид 19. Во овие 243 милиони денари, вклучени се и средства во висина од 54 милиони денари за награда на сите здравствени работници кои се вклучени во третманот на пациентите заболени од корона вирусот, во сите ковид центри низ државата“, рече партискиот портпарол и пратеник од владејачкото мнозинство.
Истовремено, каок што додаде Костадинов, со ребалансот се обезбедуваат и средства за финансирање 19 капитални проекти на локално ниво во десетици општини низ државата.