Лотарија на Македонија соопшти дека минатата година оствариле позитивен финансиски резултат искажан во неревидираниот консолидиран Биланс на успех во износ 6.501 илјади денари, што претставува намалување за 40,00% споредбено со 2019 година. Оперативната добивка е во износ од 7.526 илјади денари, и споредбено со минататa година има намалување од 40,00%.
Во 2020 година, кај друштвата кои влегуваат во консолидација, нема промени во сметководствените политики и методи, на вреднување на ставките во финансиските извештаи.
Остварените вкупни консолидирани приходи за период 01.01.2020-31.12.2020 година, се во висина од 28.803 илјади денари, се намалени за 20,80% споредбено со остварените приходи во 2019 година. Во структурата на вкупните приходи најголемо учество од 99,40% имаат оперативните приходи, а финансиските приходи учествуваат со 0,60%.
Вкупните консолидирани расходи за период јануари – декември 2020 година изнесуваат 21.284 илјади денари и истите се намалени за 12,28% во однос на 2019 година. Во структурата на вкупните расходи, оперативните расходи учествуваат со 99,16% и бележат пад од 8,00%, а финансисхите расходи учествуваат со 0,84% кои пак бележат пад од 86,00%.
Вкупните обврски од кредитните задолжувања во 2020 година се намалени за 13.416 илјади денари, односно друштвата кои влегуваат во консолидација немаат обврски по кредити, соопштија од компанијата.