Стандард
ЕКОНОМИЈА

МТСП: Ќе има дополнителна исплата на паричните права за корисниците кои беа клиенти на „Еуростандард Банка“, а не успеале да отворат нова сметка во дадениот рок

Министерството за труд и социјална политика известува дека надлежниот центар за социјална работа назначува старател за посебен случај на корисници на парични права од социјална заштита, кои не се во можност самостојно да се грижат за своите права и интереси (корисници на надоместок за помош и нега од друго лице, надоместок заради попреченост, стари и немоќни лица), а кои имале трансакциска сметка во „Еуростандард Банка“ АД Скопје.

За отварање на нова трансакциска сметка во друга банка, близок сродник или лице кое се грижи за корисникот може да поднесе барање за назначување на старател за посебен случај до центарот за социјална работа, информираат од МТСП.

– Кон барањето се доставуваат следниве докумети: Копија на Извод од матична книга на родените, за корисникот. Копија на Извод од матична книга на родените, за лицето кое се назначува за старател за посебен случај. Лични карти на увид (за корисникот и лицето кое се поставува за старател за посебен случај). Медицинска документација за корисникот. Лекарска потврда за психофизичка состојба од матичен лекар за лицето кое се назначува за старател за посебен случај, соопштија од МТСП.

Воедно информираат дека ќе има дополнителна исплата на паричните права од социјална и детска заштита, за корисниците кои беа клиенти на „Еуростандард Банка“ АД Скопје, а кои во дадениот рок (до 25.08) не успеале да отворат нова трансакциска сметка во друга банка или да поврзат постоечка трансакциска сметка во друга банка заради исплата на паричните права, која се реализира овие денови.

– На координативниот состанок со банките, МФ и НБРМ беше договорено исплата на паричните права од социјална заштита, заштита на децата и згрижувачките семејства за август 2020 година, да се врши и во дополнителни датуми на 11, 18 и 25 септември 2020 година, при што податоците за корисниците од Банките до Министерството за труд и социјална политика ќе бидат доставени на 7, 14 и 21 септември 2020 година, се вели во соопштението од МТСП.

Поврзани вести

НУК со иницијатива за промена, исправка и дополнување на шифри на дејност за пријава на финансиска поддршка од 6-тиот сет мерки

Усвоена Програмата за промоција на обновливите извори на енергија и поттикнување на енергетската ефикасност во домаќинствата за 2021 година

Влатко Зорба

Јосифовски по средбата во Владата: Првиот чекор кон доброто за угостителската индустрија го направивме

Влатко Зорба
error: Превземањето на содржина без дозвола од авторот е дело казниво со закон!!!