Министерот за економија Крешник Бектеши во емисијата 24 анализа изјави дека за петтиот пакет мерки е обезбеден буџет од 50 милиони евра за 2021 година
„Имаме обезбедено 50 милиони евра и моментално ги дизајнираме мерките и тие ќе бидат таргетирани секторски каде имало поголемо влијание од Ковид-19 во делот на намалувањето на приходите на отпуштање на работници и тоа ќе го направиме заедно со Стопанските комори со сите засегнат страни. За кратко време ќе имаме состаноци и во склоп на владата имаме јавно-приватни состаноци каде се вклучени сите стопански комори“, рече Бектеши.
Потенцираше дека ќе ги собираат сите предлози кои доаѓаат во различни институции, вклучувајќи го и министерството за економија и на почетокот на февруари согласно плановите, ќе излезат со тие мерки за да се реализираат.