СТАНДАРД life
ЕКОНОМИЈА

Од утре поскапува дизелот, бензините поевтини

Цените на бензините од полноќ се намалуваат од денар до денар ипол, а цената на дизелот и Екстра лесното масло за домаќинство се зголемува за половина денар, одлучи денеска Регулаторната комисија за енергетика.

Согласно најновата одлука, ЕУРОСУПЕР БС-95 се намалува за еден денар и ќе се продава по цена од 48,50 денари за литар, а ЕУРОСУПЕР БС-98 бележи намалување за 1,50 денари за литар и неговата нова цена ќе биде 50,50 ден/лит.

Новата цена на дизелот ќе биде 46 денари за литар, додека малопродажната цена на Екстра лесното масло за домаќинство ќе изнесува 35 ден/литар.

Цената на мазутот М-1 НС се зголемува за 0,153 ден/кг во однос на минатонеделната цена така што тој сега ќе се продава по цена од 18,891 ден/кг.

Со најноваа одлука на РКЕ се врши намалување на малопродажните цени на нафтените деривати во просек за 0,31 проценти во однос на цените утврдени минатата недела. Референтните цени на нафтените деривати на светскиот пазар во споредба со изминатиот
седумдневен период бележат намалување кај бензинот во просек за околу 14,70 проценти,
а кај дизелот зголемување во просек за околу 0,93 проценти.

Регулаторната комисија за енергетика секој понеделник објавува нови цени на нафтените деривати

Поврзани вести

Спасовски: За да ја искористат финансиската поддршка, работодавачите ќе треба да исполнат неколку услови

Близу 200 илјади работници се корисници на мерката за субвенционирање придонеси за раст на плата

Берта Китинска

100.000.000 денари за „Тутунски комбинат” за откуп на вишокот тутун

Влатко Зорба