СТАНДАРД life
ЕКОНОМИЈА

Влада: Континуирано расте просечната плата, се забележуваат позитивни економски трендови

Континуирано расте просечната месечно исплатена нето – плата по вработен. Согласно податоците на Државниот завод за статистика, во март 2021 година изнесувала 28.217,00 денари, што е за 6,8% повисока од истиот месец во 2020 година, или зголемувањето изнесува 1.795,00 денари за една година, соопштија од Владата.

Според денешните податоци на ДЗС, ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (17.9 %), Дејности на здравствена и социјална заштита (12.3 %) и Информации и комуникации (12.1 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (14.9 %), Дејности на здравствена и социјална заштита (5.3%) и Градежништво (4.0 %).

Oд почетокот на годината се забележуваат позитивни движења во економијата. Тоа најдобро може да се види преку приходната страна на Буџетот. Владата континуирано креира поволен деловен амбиент за раст и развој на стопанството, како и на севкупната економија. Покрај растот на просечната плата, расте и извозот, индустриското производство, внатрешната трговија, дополнително расте и кредитирањето како на домаќинствата, така и на корпоративниот сектор.

Ваквите позитивни движења во економијата, даваат сигнал на стабилизирање и раст, кој согласно владините проекции ќе изнесува 4,1% за 2021 година, додаваат оттаму.

Поврзани вести

Граѓани, компании и институции од пријавени штети лани наплатиле четири милијарди денари

Влатко Зорба

Инспекциските служби спровеле 5.197 надзори и контроли, затворени се 8 угостителски објекти

Влатко Зорба

Сметководителите предупредуваат: Без системски решенија ќе следат големи проблеми