Претседателот и извршниот директор на ЛВМХ групацијата, Бернар Арно во чија сопственост се луксузните брендови, Диор, Луј Витон и Хенеси во еден ден заработил 5,1 милијарди долари.
Откако во средата беше објавено дека продажбата на ЛВМХ пораснала за 17 отсто, цената на акциите на компанијата оствариле раст за 5,6 отсто и богатството на Арно се зголемило на 99 милијарди долари.
Според пишувањето на Форбс, парискиот конгломерат најголемиот раст на продажба го забележал во Хонгконг, и покрај протестите кои се одржуваат во тој автономен кинески град.
Во последниот квартал продажбата пораснала за 12 отсто и тоа повеќето козметика.
Од компанијата напоменуваат дека тоа може да се припише на неодамна отворената продавница на Сефора во Хонгконг.
Арно во април стана трет најбогат човек во светот. Пред него на листата на најбогати во светот се Џеф Базос од Амазон чие богатство се проценува на 107 милијарди долари и Бил Гејст од Мајкрософт со 105 милијарди долари.
„Лансирањето на производите сега мора да биде глобално за да бидеме успешни. Тоа бара и повеќе вложувања. Она што ЛВМХ групацијата прави е создавање на нови производи и нивна продажба низ светот“, изјави Арно за Форбс во 2017 година.