Apple го престигна Amazon за прв пат во последните пет години, за да стане највредниот бренд во светот, се вели во извештајот на консултантската компанија „Brand Finance“.
Тоа е исто така првата компанија што достигна цена од 2 трилиони долари на пазарот минатата година. Вредноста на брендот, производителот на iPhone, порасна 87 проценти во последните 12 месеци и достигна 263,4 милијарди долари, според индексот Brand Finance Global 500 2021.
Зголемувањето се препишува на стратегијата за диверзификација на Apple, што ја наведе компанијата да се прошири во дигитални и претплатнички услуги и да ги истражи потенцијалите на електричните автомобили.
– Додека Apple, пет години откако го зазеде првото место за последен пат, ја врати титулата највреден светски бренд на Amazon, повторно сме сведоци на она „Размисли поинаку“: од Mac до iPod, iPhone, iPad, Apple Watch- и, претплатнички услуги, до бесконечност и пошироко – изјави извршниот директор на „Brand Finance“.
Исто така, се очекува Apple да оствари највисок квартален приход досега и првиот вкупен износ над 100 милијарди долари, кога ќе пријави заработка во среда. Второпласираниот Amazon, сепак, успеа да забележи 15% зголемување на вредноста на брендот до 254,2 милијарди долари
– Гигантот во малопродажба е една од ретките брендови кои имаат голема корист од пандемијата. Во текот на вториот и третиот квартал на 2020 година, платформите за е-трговија забележаа најголем раст на приходите од 2016 година – посочува Дејвид Хајг.