Според најновиот извештај на „Counterpoint Research“, кога станува збор за испорака на паметни часовници во периодот октомври-декември 2020 година, Apple сè уште е водечка компанија во овој сегмент.
Пазарот на паметни часовници забележа зголемување од 1,5% во вкупните пратки во споредба со истиот период во 2019 година, а самиот Apple освои 40 проценти од уделот на пазарот. Samsung е на второто место, со 10% удел на пазарот, следен од Huawei (8%). Топ 5 листата на брендови за паметни часовници ја комплетираат Fitbit (7%) и групацијата BBK (6%).
Новиот извештај посочува дека Apple Watch Series 6 и Watch SE заедно продале 12,9 милиони единици во текот на последниот квартал на 2020 година. Samsung ги постигна најдобрите резултати со моделот Galaxy Watch3. Huawei и Honor забележаа најголем годишен раст.
Минатиот месец, Apple оствари достигнување од над 100 милиони испорачани Apple Watch. Според „Counterpoint“, глобалниот пазар на паметни часовници расте и во просечната продажна цена на брендовите како Apple, Samsung и Huawei.. Овој тренд се очекува да продолжи во текот на 2021 година.