Стандард
ТЕХНОЛОГИЈА

Morpheus – процесор кој не може да биде хакиран

Повеќе од 500 хакери не успеаја да го пробијат процесорот Morpheus, развиен од истражувачите на Универзитетот во Мичиген. Експертите го дефинираат Morpheus како процесор кој не може да биде хакиран.

Morpheus за прв пат беше претставен пред неколку години. Сега Агенцијата за напреден развој на САД (DARPA) одлучи да го тестира процесорот, обединувајќи повеќе од 500 најдобри експерти за компјутерска безбедност и задавајќи им задача да го хакираат Morpheus. Сепак, тие не успеаја.

Процесорот е дизајниран да ги менува клучните сегменти на неговиот код и податоци десетици пати во секунда, правејќи ја секоја ранливост бескорисна за хакерите.

Хакерскиот обид беше дел од програмата „Finding Exploits to Thwart Tampering“ (FETT) во организација на DARPA, Министерството за одбрана на САД и платформата Synack. Учесниците во експериментот, исто така, мораа да се обидат да пробијат слични решенија развиени од Институтот за технологија во Масачусетс, Универзитетот во Кембриџ, Lockheed Martin и непрофитниот технолошки институт SRI International.

Само Morpheus го преживеа искушението, според веб-страницата на Универзитетот во Мичиген. Еден експерт за компјутерска безбедност признава дека сегашниот пристап еден на еден за отстранување на грешки во безбедноста е осуден на пропаст. Во Morpheus, дури и ако хакер најде ранливост, информациите, потребни за нејзино искористување, исчезнуваат за милисекунди.

Поврзани вести

Роботот Софија создаде дело кое се продаде за 688.888 долари

Влатко Зорба

Спотифај покренува проект за помош на музичарите

msp-admin

Twitter ќе брише „мрзливи“ корисници

msp-admin