СТАНДАРД life
КОМПАНИИ

Авиокомпаниите ќе можат да користат ковид-пасоши

Ковид-пасошите ќе се користат сè додека Светската здравствена организација (СЗО) не објави крај на пандемијата Ковид-19, а авиокомпаниите ќе можат да ги користат за патниците да се качат на авионите, изјави денеска европскиот комесар за правда Дидие Рејндерс.

„Ние сакаме да осигураме дека граѓаните и земјите-членки имаат алатка што им дава одредена доверба, на која надлежните органи можат да се потпрат за да го олеснат слободното движење на лицата“, рече Рејндерс во Комитетот за граѓански слободи на Европскиот парламент, претставувајќи го предлогот на Комисијата за воведување на ковид-пасош.

Рејндерс им презентираше на членовите на Комитетот предлог објавен од Комисијата во средината на минатиот месец. Дигиталните зелени сертификати треба да го олеснат безбедното слободно движење на луѓето во ЕУ за време на пандемијата.

Т.н. ковид-пасош ќе биде доказ дека некое лице е вакцинирано против вирусот, добило негативен резултат од тест или ја надминало болеста.

Рејндерс рече дека тие сертификати може да се користат и за влез во авионот. Многу компании сега бараат негативен тест за влез во авион.

Комесарот рече дека целта е тие сертификати да започнат да се користат пред крајот на јуни. Европскиот парламент треба да гласа за регулативата на својата пленарна седница од 7 до 10 јуни.

Поврзани вести

Поранешна австриска министерка која танцуваше со Путин стана член на Одборот на директори на „Роснефт“

Stefanija Kuzmanovska

Србија ќе увезува работници од Индија, Пакистан и Турција?

msp-admin

Најбогатиот човек на светот изгуби 10 милијарди долари за еден ден

msp-admin