СТАНДАРД life
КОМПАНИИ

Безос ја врати титулата „најбогат“ човек на светот

Владеењето на Елон Маск како најбогат човек на светот беше кратко.

Акциите на Тесла во вторникот паднаа за 2,4 проценти, бришејќи од извршниот директор на компанијата 4,6 милијарди долари, со што го загуби челното место на Bloomberg Billionaires Index.

Безос, кој ја држеше титулата повеќе од три години до минатиот месец, ја врати со нето вредност од 191,2 милијарди долари, т.е. 955 милиони долари повеќе од Маск.

Владеењето на Маск заврши, или барем засега. Маск помина скоро шест недели како најбогат човек на светот, за време на кој тој беше главен играч во некои од најголемите настани на пазарот досега оваа година. Маск ја поттикна „крстоносната војна“ предводена од Reddit за акциите на GameStop Corp. и ги лансираше до нови височини цените на Etsy, Shopify, CD Projekt и Signal Advance.

Тој неодамна ја потресе цената на биткоинот, па дури и на доџкоин, помалку познатата криптовалута, а релито на втората валута беше предизвикано од објава на Twitter претходно овој месец. Во меѓувреме, Биткоин се качи над 50.000 долари откако Tesla објави дека вложува 1,5 милијарди долари во криптовалутата. А сепак, и покрај навидум постојаното присуство на Маск на социјалните мрежи, акциите на Tesla изгубија скоро 10% од нивната вредност на 26 јануари.

И за Безос, почетокот на годината беше исполнет со интензивни настани. Тој ја врати титулата најбогат човек на светот кога требаше да се откаже од контролата над Amazon.com. Компанијата објави овој месец дека Безос ќе се повлече од функцијата извршен директор на гигантот за е-трговија во третиот квартал за да се фокусира на други проекти. Безос е сопственик на компанијата за вселенски истражувања Blue Origin, како и на Washington Post. Тој, исто така, ги засили своите иницијативи за донации во последните неколку години. Акциите на Amazon се зголемија за 53% во последните 12 месеци.

Можеби нема да помине многу време додека Маск повторно го престигне Безос.

SpaceX на Маск, конкурент на Blue Origin на Безос, води разговори за собирање средства што значително би ја зголемило неговата проценка. SpaceX минатата недела заврши круг на финансирање од 850 милиони американски долари и сега вреди 74 милијарди долари, што е за 60 отсто повеќе од претходната рунда, според CNBC, повикувајќи се на лица запознати со темата.

Поврзани вести

Акциите на Apple скокнаа за повеќе од 4 проценти

msp-admin

Сопственикот на Samsung повторно на суд за проневера

msp-admin

Половина милијарда непродадена облека во Германија: Попустите ќе се искачат до 90 проценти

Влатко Зорба