Цените на нафтата паднаа под 56 американски долари на меѓународните пазари во петокот, откако блокадите во кинеските градови со кои владата се обидува да го заузда коронавирусот, го поттиснаа во втор план повисокиот увоз и американските планови за помош поради корона-кризата.
На лондонскиот пазар цената на барелот падна за 83 центи во споредба со претходното затворање и изнесуваше 55,59 долари. На американскиот пазар, барел се тргуваше по 57 центи пониска цена, од 53 долари.
Производителите се обидуваат да ја решат тешката равенка за балансирање на понудата и побарувачката, што вакцинирањето против Ковид-19 се спротиставува на заклучување, со цел да се спречи ширењето на вирусот, објаснува Ројтерс.
Цените на нафтата се поддржани од зголемувањето на цените на акциите, послабиот долар и силната кинеска побарувачка. Така, увозот на сурова нафта во Кина, најголемиот увозник во светот, се зголеми за 7,3 проценти во 2020 година, со рекорден раст во два од четирите квартали, бидејќи рафинериите ја зголемија преработката, а ниските цени го поттикнаа складирањето, покажаа податоците објавени во четвртокот.
Вниманието на трговците денес го привлекоа кинеските податоци за најголемиот дневен број на новоинфицирани по повеќе од 10 месеци. Кина ја завршува неделата со заклучување на повеќе од 28 милиони луѓе и прв смртен случај од инфекција со корона во последните осум месеци.
„Ширењето на пандемијата Ковид-19 е повторно во центарот на вниманието, а трговците се повеќе загрижени за долготрајните „локдауни“ во Европа и новите ограничувања во Кина“, забележува Бјорнар Тонаџ од „Ристад енерџи“.
„Неодамнешниот скок на бројот на заразени лица, одложените вакцинации и обновените мерки за заклучување во повеќето големи економии на ОЕЦД ги потиснуваат изгледите за економско закрепнување и побарувачката на нафта“, се согласува Стивен Гринок од П.М.