Стандард
КОМПАНИИ

ЕК пушти транша од 9 милијарди евра за земјите-членки погодени од пандемијата

Европската комисија исплати девет милијарди евра во вторникот во петтата транша од финансиската помош на земјите-членки според инструментот дизајниран за зачувување на работните места за време на кризата предизвикана од пандемијата Ковид-19

Чешка доби една милијарда евра, Шпанија 2,87 милијарди евра, Хрватска 510 милиони евра, Италија 3,87 милијарди евра, Литванија 302 милиони евра, Малта 123 милиони евра и Словачка 330 милиони евра, пренесува Танјуг.

Брисел вели дека заемите ќе им помогнат на земјите-членки да ги покријат трошоците директно поврзани со финансирање на националните шеми со скратено работно време и други слични мерки што ги воведоа како одговор на пандемијата на коронавирус, вклучително и за самовработените.

Досега, 16 земји-членки добија вкупно 62,5 милијарди евра според инструментот SURE во форма на заеми, и понудија 90,6 милијарди евра финансиска поддршка на 19 земји-членки.

Се очекува дека во текот на 2021 година, ЕК ќе собере повеќе од 25 милијарди евра за потребите на овој инструмент со продажба на заеднички обврзници на ЕУ на меѓународниот пазар на капитал.

Поврзани вести

Агенција на ОН бара на најсиромашните да им се отпише долг од трилион долари

msp-admin

Доколку се согласат во Кина, Oracle ќе го купи американскиот дел од бизнисот на „TikTok“

msp-admin

Недоверба во доларот: „Тесла“ ќе купува и злато

Влатко Зорба