Милиони Кинези остануваат дома покрај стравувањата од епидемијата на коронавирусот и се свртуваат кон игри за мобилни телефони за да не се досадуваат, пренесе „Ројтерс“.
Глобалното преземање на игри за мобилни телефони скокна за 39% во февруари, најмногу заради Кина, според компанијата за анализа на апликации „Sensor Tower“.
App Store на Apple во Кина забележа пораст од 62% во однос на преземените игри. Загатки како „Brain Out“ и борбениот предлог на Tencent „Honor of Kings“ се меѓу најпопуларните во азиската земја, според App Annie.
Играчите, исто така, поминаа повеќе време на играта на „Game for Peace“ на Tencent. „Lineage 2“ беше на врвот на рејтинзите на корисничка потрошувачка во Јужна Кореја.
Коронавирусот, кој започна да се шири од централниот кинески град Вухан кон крајот на минатата година, се шири ширум светот и однесе повеќе од 3.000 жртви на глобално ниво, при што повеќето од нив се во Кина.
„Гејмингот е едно од најпрофитабилните, со оглед на времето поминато под карантин“, вели аналитичарот на Stephens, Џеф Коен.
Тој очекува дека издавачот на игри „Activision Blizzard“ ќе има корист од овој тренд. Во првите три недели од февруари, просечните неделни преземања на апликации скокнаа за 80 проценти, во споредба со просечните неделни преземања во текот на 2019 година, според App Annie.
Севкупно, преземањето на игри за мобилни телефони достигна 4 милијарди ширум светот, од 2,99 милијарди една година порано. Во Азија скокот беше 46% на 1,6 милијарди во февруари, според Sensor Tower.