Стандард
КОМПАНИИ

Ќе има зголемување на даноците за мултинационалните компании

Технолошките гиганти сега ќе плаќаат повеќе даноци отколку во претходните неколку години. Земјите од Г7 постигнаа договор каде мултинационалните компании како „Епл“, „Амазон“ и „Гугл“ ќе плаќаат поголеми даноци. Новиот договор ќе им овозможи на компаниите да плаќаат повеќе даноци таму каде што работат се додека имаат минимална маргина на профит од 10 отсто, со данок од 20 отсто за каква било добивка над таа бројка.

Нема гаранција дека другите земји ќе го прифатат договорот

„Амазон“ и „Гугл“ велат дека го поздравиле договорот како модернизација, а од „Амазон“ велат дека тоа ќе влијае на стабилноста на меѓународните даноци. Ваквиот потег може да ја зголеми основната даночна стапка за технолошките компании кои се потпираа на седиштата во Ирска и други земји за да ги намалат своите трошоци. Компаниите се подготвуваа за зголемување на даноците веќе некое време, но пактот Г7 ги направи новите промени поверојатни и поконзистентни.

Друга работа е кога и како ќе се појават овие промени. Договорот ќе помине низ поширока дискусија на состанокот на Г-20 во јули и нема гаранција дека другите земји, како Кина и Русија, ќе се согласат на тоа. Исто така е прашање на време, бидејќи на земјите ќе им требаат многу години да ги преобликуваат своите даночни закони. Колку и да е влијателнa најавата за Г7, тоа е само почеток на долго патување.

Поврзани вести

Audi ќе гради сопствен аналог на „Supercharger“ мрежата на Tesla

Влатко Зорба

Пристигнува летечкиот Cadillac (ВИДЕО)

Влатко Зорба

„Дизни“ размислува за враќањето на Џони Деп во шестиот дел од „Пиратите од Карибите“

msp-admin