Пет руски магнати со инвестиции во гас, нафта и метали ја завршија 2019 година со најголем раст на личното богатство, пренесува „Форбс Русија“.
Вкупно, петорицата имаат собрано нови 26,9 милијарди долари и се меѓу 6-те најбогати во земјата.
На прво место е Владимир Потанин, кој оствари богатство од 7,8 милијарди долари. Тој е шестиот најбогат Русин со лично богатство од 23,8 милијарди долари. Една третина од растот се должи делумно на неговиот удел од 30 отсто во најголемиот светски производител на никел и паладиум – Norilsk Nickel.
На второ место е Леонид Микелсон, најбогатиот по официјални податоци Русин, со 27 милијарди долари состојба. Тој е акционер во производителот на гас Novatek и во Sibur – најголемата руска петрохемиска компанија. Тој заработил нови 5,9 милијарди долари.
Вагит Алекперов го зголеми своето богатство за 5,3 милијарди долари на вкупно 23,8 милијарди долари. Тој е директор на вториот по големина производител на нафта во земјата – Lukoil.
Богатството на Генадиј Тимченко расте за 4,1 милијарди долари, на вкупно 22,7 милијарди долари. Акционер е во Novatek, Sibur и градежната компанија Stroytransgaz.
Алексеј Мордашов го зазема петтото место. Четвртиот најбогат Русин веќе поседува 20,2 милијарди американски долари откако ја зголеми својата состојба за 3,8 милијарди американски долари во 2019 година. Голем дел доаѓа од производителот на челик Severstal. Тој, исто така, ги зголеми своите удели во европскиот тур-оператор TUI и рускиот ланец на супермаркети Lenta.