Стандард
КОМПАНИИ

КОРИСТЕНИТЕ АВТОМОБИЛИ може драстично да поскапат: Германија предлага нов закон

Германија објави измени во Законот за гаранции, кои треба да бидат усогласени со директивата на ЕУ за продажба на стоки. Предлогот е инициран од Државната асоцијација на независни дилери на моторни возила (BVfK), кој апелираше до Германскиот федерален совет да се обиде да ги спречи да го поддржат нацрт-законот презентиран од Владата, пишува „Ревија ХАК“.

Измените се непропорционално неповолни и неодржливи за трговијата со моторни возила, се наведува во соопштението на BVfK.

Во Европската директива за продажба на стоки се вели: „Секоја неусогласеност што ќе стане очигледна во рок од една година од датумот на испорака на стоката, ќе се смета дека постоела за време на испораката на стоката, освен ако не е докажано поинаку или не е во согласност со природата на стоката или неусогласеноста. Овој став ќе се применува и на стоката со дигитални елементи“.

Претходниот рок беше шест месеци, а продолжувањето и импликациите, односно трошоците за таквата одлука, создаваат проблем за трговците.

Од една страна, оваа одлука им користи на корисниците на користени возила (бесплатна поправка), но на долг рок може да има промени што не им одат од рака.

BVfK се жали и на други одредби од законот, но оваа е најважна. Доколку законот стане закон, здружението на дилери очекува цените на користените автомобили да пораснат за 10 до 20 проценти и да заврши продажбата на стари користени возила.

Поврзани вести

Македонски пошти – неуспешна приказна од која сите мијат раце

msp-admin

Италија затвора повеќе од 20 проценти од хотелите

msp-admin

Цената на златото расте за сметка на послабиот долар

Влатко Зорба