СТАНДАРД life
КОМПАНИИ

Коронавирусот ги забрза промените, работниците приморани на преквалификација

Околу 53 милиони работни места во Европската унија ќе бидат роботизирани до 2030 година, што би можело да биде забрзано покрај пандемијата на Ковид-19, а повеќе од 20% од работната сила ќе биде приморaна на стекнување на нови вештини и преквалификација.

Ова се резултати од истражувањето на глобалниот институт MC Kinsey за иднината на трудот во Еврoпа и влијанието на Ковид-19.Во извештајот е наведено дека скоро 59 милиони луѓе во ЕУ, односно 26% од вкупниот број на вработени би можеле во краток рок да се соочат со економските последици на пандемијата и рестриктивните мерки, намалување на работни часови и плати или со привремен или постојан прекин на работниот однос.

Кризата со вирусот има силно вlијание на пазарот на труд на ЕУ, но пандемијата не е единствена причина во промената и обликувањето на иднината на работата во Европа.

Работните места што се загрозени како резултат на пандемијата на вирусoт, како и автоматизацијата, се разликуваат по сектори, но најголем број работни места во ризик се во три области – трговија, производство и угостителство.

Бројот на работоспособно население во Европа ќе се намали за околу 13,5 милиони, или околу 4% до крајот на деценијата, а падот ќе биде особено изразен во Германија со околу четири милиони и Италија со околу 2,5 милиони помалку.

Автоматизацијата и замрзнувањето на одредени економски активности, кои ќе се одвиваат со различна брзина, ќе доведат до намалување на бројот на работни места и забрзување на процесот на создавање нови професии.

Поврзани вести

Деспотовски: Нема застој во реализацијата на проектите поддржани од ФИТР

msp-admin

Слонот во собата – договорот меѓу Apple и Google

msp-admin

За над 605% зголемени загубите во угостителството

msp-admin