Стандард
КОМПАНИИ

Милијардерите во неволја доколку овој закон помине, ќе треба да платат огромна сума пари

Американската сенаторка Елизабет Ворен во понеделникот предложи воведување посебен данок за многу богати домаќинства и физички лица во Соединетите држави, а според пресметката на агенцијата „Блумберг“, ќе се слеат над 78 милијарди долари од првите 100 американски милијардери во државната каса.

Со нацрт-законот, популарно наречен Закон за даноци за ултрамилионери, Ворен продолжи со напорите да ја реализира идејата што беше централна карактеристика на нејзината претседателска кампања во 2020 година.

Предлогот предвидува годишен данок од 2,0 проценти за домаќинства и физички лица чија нето вредност е помеѓу 50 милиони и една милијарда долари и данок од 3,0 проценти за нето вредност над една милијарда долари.

Покрај тоа, даночната стапка на нето богатството од над една милијарда американски долари би се зголемила на 6,0 проценти доколку биде усвоена програмата Medicare for All.

„Блумберг“ проценува дека предлогот на Ворен нема шанси да помине во „тесно“ поделениот Конгрес.

Според анализата на агенцијата, сопственикот на Амазон и најбогатиот човек на светот, Џеф Безос, би се соочил со дополнителна даночна обврска од најмалку 5,4 милијарди долари во 2021 година, доколку се донесе таков закон, додека сопственикот на „Тесла“ Елон Маск би платил 5,2 милијарди долари.

Данокот би го чинел Бил Гејтс дополнителни 4,0 милијарди долари, а Марк Цукербер би платил повеќе од 2,9 милијарди долари.

Поврзани вести

Колку чини сметката на Трамп на Twitter?

Влатко Зорба

Македонија има скромен удел во извозот на литиум – јонски батерии

msp-admin

Колкави се просечните цени на недвижностите во Грција?

Влатко Зорба
error: Превземањето на содржина без дозвола од авторот е дело казниво со закон!!!