Стандард
КОМПАНИИ

Ниту PS5, ниту Xbox Series X: Switch е најпродаваната конзола во минатиот месец

Во ноември бевме сведоци на пристигнување на комплетно нова генерација на конзоли од страна на Sony и Microsoft, па се очекуваше дека PS5 или Xbox Series X ќе се продаваат најдобро. Сепак, пристигнувањето на овие конзоли не успеа да ги постави на прво место, и покрај огромната популарност, откако тронот на најпродаваната конзола во ноември го држи Nintendo Switch.

Ова е најпродаваната конзола на пазарот во САД веќе 2 години, а така беше и минатиот месец, кога жителите на оваа земја купија дури 1,35 милиони уреди. Бројките поврзани со конзолите Playstation 5 и Xbox Series не беа откриени, но не беа блиску да го надминат малиот Switch. Од друга страна, PS5 со цена од 500 долари имаше најголем профит од продадените уреди, додека Switch чини околу 300 долари.

Само во САД, продадени се 6,92 милиони уреди за 11 месеци од оваа година, а компанијата веќе успеа да ги надмине бројките од минатата година за 426.000 уреди. Друг важен фактор е сериозно во корист на компанијата, а тоа е секако оваа пандемска состојба. Можете да играте на Switch во движење и во затворен простор, така што е скоро идеално решение за различни типови на гејмери ​​и возрасти.

Друг фактор што го направи Switch најпродаваната конзола минатиот месец е недостигот на конзоли Playstation 5 и Xbox Series, кои во моментов е многу тешко да се најдат, но ги има кај препродавачи со надуени цени.

Nintendo Switch досега е продаден во над 68,3 милиони примероци, а гарантирано ќе се продава во наредните месеци, бидејќи гласините сугерираат дека на повидок е освежена верзија со поддршка за 4K игри.

Поврзани вести

Денот кога е укинато ропството прогласен за неработен од Твитер

msp-admin

Xiaomi има план „Б“, ако ја стигне судбината на Huawei

msp-admin

Шведска тестира национална електронска валута

msp-admin