Цените на нафтата на светскиот пазар денес се во пад, поради загриженоста дека новиот бран на коронавирус може да го отежни заздравувањето на глобалната побарувачка за овој извор на енергија.
Во Лондон цената на суровата нафта „Брент“ од Северното Море беше пониска за 71 цент или 1,6 проценти и сега е 43,44 долари за барел.
Во Њујорк цената на лесната сурова нафта падна за 67 центи или 1,6 проценти и изнесува 40,34 долари за барел.
Аналитичарот на пазарот Паола Родригез Масиу од „Ристад Енерџи“, посочува дека вестите од Азија и Европа предизвикуваат дополнителни загрижености дека кризата „Ковид-19“ би можела да ескалира во глобален втор бран, не само во САД и Бразил.