Социјалната мрежа Parler ја тужи технолошката компанија Amazon, тврдејќи дека со својата суспензија донеле незаконска и политички мотивирана одлука во корист на компанијата Twitter.
Во тужбата поднесена до Окружниот суд во Сиетл, Parler тврди дека Amazon му нанел силен удар прекинувајќи ги услугите за веб хостирање – откако Apple и Google престанале да ја дистрибуираат нивната апликација.
Во тужбата, Parler бара од Amazon тројна отштета, враќање на претходниот статус и услуги што претходно ги договорил. Тој исто така бара парична компензација, тврдејќи дека имал повеќе од 12 милиони корисници и изгубил милиони – во време кога претседателот во заминување Доналд Трамп им предложи на конзервативните приврзаници да ја заменат социјалната мрежа Twitter со Parler.
Во исто време, тој ја обвини Amazon за лицемерие поради недоверба во способноста на Parler да ја следи работата на платформата – вклучително и отстранување содржина што поттикнува насилство.
Се посочува дека Amazon го суспендирал Parler и покрај тоа што не го разгледал Twitter во таа смисла – социјална мрежа на која, како што тврдат, една од најчитаните и најпренесуваните објави неодамна беше: „Обесете го Мајк Пенс“, сегашен американски потпретседател, се вели во тужбата на Parler.