Стандард
КОМПАНИИ

Велика Британија останува најголем купувач на руско злато

Податоците на Руската федерална царинска управа покажуваат дека извозот на руско злато скокнал за 220% на годишно ниво на 26,5 тони во март, достигнувајќи вредност од скоро 1,5 милијарди долари.

Извозот на овој благороден метал бил 2,3 пати поголем во март од претходниот месец, пренесе „РТ“, повикувајќи се на податоци од царината.

Велика Британија останува најголем купувач на руско злато, со откупени 21,1 тон во вредност од 1,2 милијарди долари.

Сепак, од податоците не е јасно дали откупеното злато ќе остане во Велика Британија или ќе се продава на други земји, бидејќи Лондон е важен светски центар за трговија и складирање на благородни метали.

Според статистичките податоци, околу 1,5 тони руско злато биле извезени во Турција и Индија, а меѓу купувачите на „жолт“ метал од Русија биле Казахстан, Швајцарија, Ерменија и други земји.

Вкупно, извозот на руско злато во првиот квартал од 2021 година изнесува 51,8 тони и вредеше 3,0 милијарди долари. Што се однесува до количината, тоа е зголемување за 72 проценти во споредба со истиот период во 2020 година.

Поврзани вести

Србија нема да извезува литиум, сака да стане центар за производство на батерии и електрични автомобили

Влатко Зорба

6 бизнис идеи за кои не ви требаат многу пари

msp-admin

Кражбите на криптовалутите нагло растат

msp-admin