Стандард
КОМПАНИИ

Железо од Макстил за уметнички скулптури – донација од материјали и апарати за студентите на Факултетот за ликовни уметности

Компанијата Макстил донира за Факултетот за ликовни уметности два апарати за обработка и материјал за изработка на скулптури. Аголна брусилка, апарат за заварување – инвертер и 1 тон старо железо е донацијата наменета за потребите на сегашните и идните студенти на студиската насока вајарство при изработката на скулптурите и изучувањето на скулпторските техники.

„Се надеваме дека денешната донација ќе помогне во создавање автентичен уметнички израз кај секој од студентите и со тоа ќе придонесеме за нивна натамошна професионална промоција и афирмација. Макстил како посветена општествено одговорна компанија го поддржува образовното и интелектуалното надградување на младите”, вели Иван Бановски, генерален директор на Макстил.

Студентите по вајарство на Факултетот за ликовни уметности се под менторство на познатиот скулптор и професор, Жарко Башевски. Едукативниот процес во овој уметнички израз подразбира употреба на железен материјал, но и специфични апарати за нивна обработка. За таа цел, Макстил со Факултетот за ликовни уметности има воспоставено континуирана соработка којашто дополнително се продлабочува со разни активности, како дел од исклучително важната корпоративна вредност на компанијата и значаен општествен придонес.

Поврзани вести

НУК ги достави до Владата унифицираните препораки за работа на угостителската индустрија

msp-admin

Volkswagen e-Golf замина во историјата

msp-admin

Јавниот долг на САД ќе биде двојно поголем од БДП до средината на векот

Влатко Зорба
error: Превземањето на содржина без дозвола од авторот е дело казниво со закон!!!