СТАНДАРД life
КРИПТОВАЛУТИ

Централната банка на Франција наскоро може да купува и чува Биткоин

Член на францускиот парламент потпиша петиција за изменување и дополнување на законите за да и се дозволи на француската централна банка да купува и чува биткоин и други криптовалути.

Петицијата ги повикува пратениците итно да го решат ова прашање, предупредувајќи дека недостатокот на сопственост на Биткоин ќе ја стави Франција „во финансиски слаба позиција во рок од 5-10 години“.

Жан-Мишел Миш, член на Француското национално собрание, долниот дом на парламентот, во петокот објави на твитер дека потпишал петиција за изменување и дополнување на законот за да и се дозволи на Банката на Франција, централната банка на земјата, да купува и чува Биткоин како и други криптовалути.

Петицијата на платформата за е-петиции на францускиот Сенат беше покрената на 5 март од страна на Франсоа-Ксавиер Мари Жан Елдер Туренс; може да се потпише до 5-ти септември. Петициите со најмалку 100.000 потписи во рок од шест месеци се испраќаат до Конференцијата на претседателите, која ќе одлучи дали ќе го следи ова прашање.

„Многу компании веќе имаат стекнато големи суми (од неколку милијарди евра) Биткоин“, се вели во петицијата, повикувајќи се на „МајкроСтратеџи“ на Мајкл Сејлор и „Тесла“ на Елон Маск. Исто така, се забележува дека „некои јавни субјекти како што е градоначалникот на Мајами се позиционирани да купуваат Биткоин“.

Покрај тоа, „причината е ризикот од слаб долар во следните 5 години да го уништи капацитетот за среднорочно финансирање“, продолжи петицијата, додавајќи: „Франција не може пристојно да остане набудувач на трката што е веќе започната. Непоседување Биткоин ќе не доведе во финансиски слаба позиција во рок од 5-10 години. Итно треба да го решиме прашањето“.

Истакнувајќи дека Франција мора да донесе стратегија во оваа област и да ги спроведе важечките закони, подносителот на пријавата пишува: „Затоа предлагам ажурирање на монетарниот и финансискиот законик за да и се даде можност на Банката на Франција да купува, продава и држи Биткоин и други крипто-средства“.

Во петицијата се вели дека законодавците „ќе мора да усвојат стратегија која правилно ги проценува ризиците и предлага разумни пропорции на чување на крипто-средства во спроведувањето на таа стратегија“.

Поврзани вести

Маск објасни зошто инвестирал во биткоин, а не во доџкоин

Влатко Зорба

Што може да се случи ако креаторот на биткоин го продаде својот удел од 30 милијарди долари?

Влатко Зорба

Вртоглавиот скок на Биткоин продолжува, се појавуваат нови големи купувачи

Влатко Зорба