Генералниот директор на американскиот банкарски гигант „Голдман Сакс“ ја напуштил инвестициската банка откако наводно заработил милиони инвестирајќи во криптовалутата „доџкоин“.
Портпарол на Голдман Сакс потврди дека Азиз Мекмахон, генерален директор и шеф на продажба на нови пазари со седиште во Лондон, ја напуштил инвестициската банка во која работи 14 години.
Сепак, портпарол за „MarketWatch“ изјави дека не е запознат за неговото инвестирање во споменатата криптовалута.
Наводно, Мекмахон заработувал пари инвестирајќи од неговата лична сметка и не бил вклучен во тргување со криптовалути за „Голдман Сакс“.
Се смета дека Мекмахон може да основа свој хеџ фонд.